बालपण
काय म्हणू मी काय म्हणू या बालपणाला काय म्हणू
सुगंध फुले ही सुन्दर कोमल
फुलवून जाई मन हे कोमल
भवरयाचे मी गीत म्हणू
की मधुर मधाचा स्वाद म्हणू
की काय म्हणू मी काय म्हणू या बालपणाला काय म्हणू
झिरमिर झिरमिर पाऊस धारा
उड्या मारीती शीतल गारा
निळे सावळे आकाश म्हणू
की ओल्या मातीचा वास म्हनू
की काय म्हणू मी काय म्हणू या बालपणाला काय म्हणू
बालमनाचा गोड गोजीरा
निर्मल सुन्दर भाव साजिरा
चंचल पखरानंची काया म्हणू
की मायेची ही छाया म्हनू
की काय म्हणू मी काय म्हणू या बालपणाला काय म्हणू
सप्तरंग हे इंद्रधनुचे
रूसून फूलने रातरानीचे
कल्पनांचा हा मेळ म्हणू
की जादूचा हा खेळ म्हणू
की काय म्हणू मी काय म्हणू या बालपणाला काय म्हणू
~ सचिन
No comments:
Post a Comment